AFP
Prezident Francyi Emaniuel Makron miarkuje, što francuzski bahiet pavinien być uniesieny ŭ śpis kulturnaj spadčyny JUNIESKA.
«Naš bahiet — pradmiet zajzdraści dla ŭsiaho śvietu», — skazaŭ Makron, padtrymaŭšy inicyjatyvu francuzskich piekaraŭ, jakija prapanavali ŭnieści bahiet ŭ śpis niemateryjalnaj spadčyny JUNIESKA.
Francuzskija piekary natchnilisia pośpiecham italjanskich kaleh, jakija ŭ minułym śniežni damahlisia ŭniasieńnia ŭ śpis kulturnaj spadčyny nieapalitanskaj picy.
Francuzskija piekary miarkujuć, što chlebabułačnyja vyraby nielha nazvać bahietam, kali jany nahadvajuć jaho tolki pa vonkavym vyhladzie. Francuzy padkreślivajuć, što vielmi važna zachavać recept sapraŭdnaha bahieta.
«Majsterstva i vopyt nieabchodna zachavać, mienavita tamu bahiet varta ŭnieści ŭ śpis niemateryjalnaj spadčyny [JUNIESKA]», - padkreśliŭ Emanuel Makron, źviartajučysia da pradstaŭnikoŭ Nacyjanalnaj asacyjacyi piekaraŭ.
Uładalniki pryvatnych piakarań vykazali zaniepakojenaść z nahody masavaha raspaŭsiudžvańnia «imitacyj» bahieta.
«Amal niemahčyma nie razzłavacca, kali bačyš, jakoj jakaści chleb pradajecca ŭ supiermarkietach. Chleb pastupaje ŭ zamarožanym vyhladzie, jaho viazuć z Rumynii ci adniekul jašče, ničoha nie robicca pa praviłach chlebapiakarnaha majsterstva», - skazaŭ u intervju internet-resursu Atabula kiraŭnik Nacyjanalnaj kanfiederacyi francuzskich piekaraŭ i kandytaraŭ Daminik Anrakt.
Nie varta błytać śpis niemateryjalnaj kulturnaj spadčyny JUNIESKA sa śpisam abjektaŭ suśvietnaj spadčyny JUNIESKA. U pieršy JUNIESKA ŭnosić pryrodnyja abo stvoranyja čałaviekam abjekty, jakija majuć patrebu ŭ zachavańni i papularyzacyi ŭ siłu asablivaj kulturnaj, histaryčnaj abo ekałahičnaj značnaści.
Śpis niemateryjalnaj kulturnaj spadčyny pryśviečany isnujučym u roznych krainach tradycyjam — muzycy, tancam, kuchni, roznym ramiostvam.
