59.ru

59.ru

U škole №127 u rasijskaj Piermi ranicaj 15 studzienia adbyłosia nadzvyčajnaje zdareńnie. Dvoje mužčyn u maskach napali na navučencaŭ škoły.

Pa dadzienych miascovaha vydańnia 59.ru, napadniki byli ŭzbrojenyja nažami, jany ŭvajšli nie praz hałoŭny ŭvachod, dzie znachodzicca achoŭnik, a niechta im adamknuŭ dźviery inšaha ŭvachodu.

— U nas byŭ urok hieahrafii na trecim paviersie škoły, dzie heta ŭsio i adbyłosia, — paviedamiŭ 59.ru 10-kłaśnik Pavieł. — My pačuli pažarnuju tryvohu, paśla čaho nastaŭniki nas pačali vyvodzić z kłasaŭ. Kali my vychodzili, praz kožnyja piać mietraŭ bačyli kropli kryvi. Kali my vyjšli, na trecim paviersie z akna išoŭ dym. Pieršapačatkova nam kazali, što nibyta lampa tam vybuchnuła i askiepkami patrapiła na dziaciej.

Sa słoŭ adnakłaśnika ja daviedaŭsia, što ŭ škołu zajšoŭ starońni čałaviek — adzin ci navat dvoje - parezali nažom našaha nastaŭnika chimii i jašče niekalki dziaciej.

— Majoj žoncy ŭ škole paviedamili, što dvoje z nažami napali na nastaŭnika chimii i vučniaŭ u 39 kabiniecie, pryčym ŭdary nanosili maksimalna ŭ vobłaść šyi, — raspavioŭ baćka adnaho z vučniaŭ Pavieł.

Paviedamlajecca, što dziaciej zabrali piać mašyn chutkaj dapamohi. Pavodle 59.ru sa spasyłkaj na ŭłady Piermi, paranienyja vosiem dziaciej i nastaŭnik.

«U škole dzieviać paciarpiełych, ź ich žančyna (nastaŭnik) i dzicia 16 hadoŭ z ranieńniami šyi ŭ ciažkim stanie, abodva nakiravanyja ŭ haradskuju kliničnuju balnicu №4. Na dadzieny momant paciarpiełym užo pravodziacca apieracyi. Častka dziaciej uciakła ŭ handlovy centr, chutkaja praviała ahlad na miescy. Astatnija paciarpiełyja ŭžo ahledžany daktarami, vyjaŭlenyja niaznačnyja paviarchoŭnyja traŭmy, jany nakiravany na ahlad u Dziciačuju krajavuju kliničnuju balnicu», - rastłumačyli 59.ru ŭ Piermskim ministerstvie achovy zdaroŭja.

59.ru

59.ru

U svaju čarhu pradaŭcy HC «Kit» raspaviali, što da ich prybiehli spałochanyja dzieci, čałaviek 12-13. Troje byli z parezami. Dzieci raskazali, što napali padletki hadoŭ 16. Spačatku paranili nastaŭnika i dziaciej, potym adzin z napadnikaŭ staŭ rezać siabie.

Paviedamlajecca, što napadniki zatrymanyja

Jak paviedamili ŭ miascovym Śledčym kamitecie, pamiž dvuma školnikami adbyłasia bojka z prymianieńniem chałodnaj zbroi (nažoŭ), jakuju sprabavali praduchilić piedahohi i školnik, — paviedamili śledčyja. — U vyniku navučencam i piedahohu pryčynienyja nažavyja ranieńni. Raspačata sprava pa artykule «Zamach na zabojstva dvuch i bolš asob».

Клас
0
Панылы сорам
0
Ха-ха
0
Ого
0
Сумна
0
Абуральна
0