rte.ie

Dałores O'Ryardan, vakalistka rok-hurta The Cranberries, pamierła va ŭzroście 46 hadoŭ, paviedamlaje irłandskaja teleradyjokampanija RTE. U momant śmierci jana znachodziłasia ŭ Łondanie. 

Viadoma, što jaje cieła znajšli ŭ numary łondanskaha hatela. Jak paviedamlajecca ŭ aficyjnaj zajavie pradstaŭnikoŭ śpiavački, jana znachodziłasia ŭ Łondanie na siesii hukazapisu.

«Jaje rodnyja ździŭleny raptoŭnaj viestkaj i patrabujuć nie ŭmiešvacca ŭ siamiejnyja spravy ŭ hety składany čas», - havorycca ŭ zajavie.

Dałores O'Ryardan atrymała suśvietnuju viadomaść jak salistka hrupy Cranberries. U 1994 hodzie jana vykanała adnu z samych viadomych kampazicyj kalektyvu pad nazvaj Zombie, jakaja chutka zaniała pieršyja miescy ŭ nacyjanalnych muzyčnych čartach Aŭstralii, Francyi, Hiermanii, Bielhii i inšych krain.

U 2003 hodzie O'Ryardan pačała solnuju karjeru. U pryvatnaści, jana zapisała pieśni dla saŭndtreku da filma Meła Hibsana «Straści Chrystovy».

U 2017 hodzie Cranberries abviaścili pra pačatak suśvietnaha turne, jakoje pavinna było achapić, u tym liku, Brytaniju i ZŠA.

Adnak u mai minułaha hoda ŭ razhar tura pa Jeŭropie hrupa była vymušanaja admianić pakinutyja kancerty z-za prablem sa zdaroŭjem u O'Ryardan. Na sajcie hurtu paviedamlałasia, što ŭ śpiavački prablemy sa śpinaj.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?