Miesiacachod-2

Miesiacachod-2

U dakumiencie padrabiazna raźbirajucca prablemy, jakija ŭźnikli padčas misii, i varyjanty ich rašeńnia. Sistema dystancyjnaha kiravańnia miesiacachodam dziejničała z 16 studzienia da 10 traŭnia 1973 hoda, pryčym bolšaść pryboraŭ suviazi zastavalisia spraŭnymi navat paśla poŭnaha zakančeńnia ich pracoŭnaha resursu. 

Rassakrečany dakumient składajecca ź dźviuch častak: u pieršaj apisvajecca praca kompleksu bartavoje aparatury ź sistemaj telebačańnia, u druhoj — naziemnaha kompleksu suviazi «Saturn-MS». Hetyja prybory adkazvali za kiravańnie «Miesiacachodam-2», dazvalajučy atrymlivać malunki z pavierchni spadarožnika.

Tytulny list spravazdačy, jakaja raniej była sakretnaj

Tytulny list spravazdačy, jakaja raniej była sakretnaj

Pavodle dakumienta, pieršaja surjoznaja zaŭvaha da aparatury dystancyjnaha kiravańnia źjaviłasia tolki na 250-m sieansie suviazi: kamandu «stop» dla miesiacachoda, jaki ruchaŭsia da kratara, pryjšłosia pieradać trojčy.

Na 306-m sieansie suviazi ŭpieršyniu ŭ historyi infarmacyja była pieradadzienaja pa optyka-łaziernym kanale ŭ bok Miesiaca i nazad — pa radyjokanale.

Hetaja sistema, jakaja atrymała nazvu «Siejm», składałasia z bartavoha fotaprymalnika i naziemnych teleskopaŭ, asnaščanych łazieram.

Fotaprymalnik rehistravaŭ vypramieńvańnie łaziera naziemnaha pielenhatara, a bartavaja aparatura «Miesiacachoda-2» pieradavała na Ziamlu radyjosihnał. Heta dazvalała vielmi dakładna adsočvać kaardynaty miesiacachoda z adlehłaści bolš za 380 tysiač kiłamietraŭ.

U spravazdačy havorycca i ab zaviaršeńni pracy aparata. Na 503-m sieansie suviazi tempieratura ŭ jahonaj siaredzinie pavysiłasia da 43-47 hradusaŭ. Bolš na suviaź miesiacachod nie vychodziŭ.

«Miesiac-21» dasiahnuŭ pavierchni spadarožnika Ziamli 15 studzienia 1973 hoda, pryziamliŭšysia na ŭschodniaj uskrainie Mora Jasnaści, usiaredzinie kratera Lemanje. Dastaŭleny stancyjaj aparat «Miesiacachod-2» praktyčna nie adroźnivaŭsia ad svajho papiarednika, jaho masa składała 836 kiłahramaŭ. Za čatyry miesiacy raboty miesiacachod prajšoŭ 42 kiłamietry, pieradaŭ na Ziamlu 86 panaramaŭ i kala vaśmidziesiaci tysiač telekadraŭ. Jon vyjšaŭ z ładu praź pierahreŭ aparatury ŭnutry korpusa, vyklikanaha vypadkovym trapleńniem hruntu.

Клас
0
Панылы сорам
0
Ха-ха
0
Ого
0
Сумна
0
Абуральна
0