U Dobrušskim rajonie na aŭtadarozie «Kobryn — Homiel — miaža Rasijskaj Fiederacyi» siońnia byŭ spynieny vialikahruzny aŭtamabil z rasijskimi numarami, jaki naležyć rasiejcu, 1973 hoda naradžeńnia, paviedamlaje UUS Homielskaha abłvykankama.

Za rulom znachodziŭsia žychar h. Dobruša, 1988 hoda naradžeńnia. Kiroŭca raniej nieadnarazova pryciahvaŭsia da administracyjnaj adkaznaści za parušeńnie praviłaŭ darožnaha ruchu, a taksama pa faktach niezakonnaj transparciroŭki śpirtaźmiaščalnaj, falsifikavanaj pradukcyi.

Pry ahladzie aŭtamabila i pryčepa apieratyŭniki znajšli skrynki z kantrafaktnaj harełkaj i śpirtam vytvorčaści Rasii, biez akcyznych znakaŭ Respubliki Biełaruś.

U vyniku da niezakonnaha abarotu nie dapuščana 6000 butelek harełki ahulnym abjomam 3000 litraŭ na sumu 55920 biełaruskich rubloŭ i 252 pet-butelki ahulnym abjomam 1 za 260 litraŭ na sumu 2343,60 biełaruskich rubloŭ. Ahulny tanaž kontrafakta skłaŭ 4260 litraŭ śpirtaźmiaščalnaj falsifikavanaj pradukcyi na ahulnuju sumu 58 263,60 biełaruskich rubloŭ.

Pa sukupnaści pravaparušeńniaŭ štraf kiroŭcy hruzavika moža skłaści ad sta da dvuchsot bazavych vieličyń z kanfiskacyjaj ałkaholnaj pradukcyi. Rašeńnie prymie Ekanamičny sud.

Клас
0
Панылы сорам
0
Ха-ха
0
Ого
0
Сумна
0
Абуральна
0