Na dniach u Hiermanii byŭ zatrymany biełaruski biznesmien Juryj Aviarjanaŭ, jakoha siłaviki abviaścili ŭ mižnarodny vyšuk. Pra heta TUT.BY paviedamiła krynica i paćvierdzili ŭ Hienieralnaj prakuratury.

— U kastryčniku 2017 hoda ŭ Hiermaniju byŭ nakiravany pakiet dakumientaŭ na vydaču hetaha hramadzianina. 18 studzienia jon byŭ zatrymany, a 21 studzienia adzin z rajonnych sudoŭ Bierlina ŭchvaliŭ ŭziaćcie pad vartu z metaj vydačy, — skazaŭ TUT.BY aficyjny pradstaŭnik Hienprakuratury Dźmitryj Bryloŭ.

Pavodle jaho słoŭ, pačata ekstradycyjnaja vytvorčaść, pryniaty miery, kab asoba nie schavałasia ad pravaachoŭnych orhanaŭ. Kolki času zojmie pracedura vydačy, pradstaŭnik Hienprakuratury nie zmoh skazać.

Pa słovach krynicy, na Aviarjanava pracujuć dva advakaty. Praces ekstradycyi moža być nie chutkim.

Uvosień Śledčy kamitet pryniaŭ da vytvorčaści kryminalnuju spravu ŭ dačynieńni da Juryja Aviarjanava, a taksama šerahu kiraŭnikoŭ kamiercyjnych struktur u suviazi z uchileńniem ad vypłaty padatkaŭ subjektami haspadarańnia. Nieŭzabavie siłaviki zatrymali šeść top-mieniedžaraŭ Aviarjanava. Sam biznesmien byŭ abvieščany ŭ mižnarodny vyšuk.

Клас
Панылы сорам
Ха-ха
Ого
Сумна
Абуральна