U Iŭjeŭskim rajonie učora ŭviečary na nieaśvietlenaj darozie Lipniški—Subotniki pad kołami «Reno-Kanhu» zahinuła žančyna na rovary, paviedamlaje DAI Hrodna.
Fota — DAI UUS Hrodzienskaha abłvykankama
Žančyna 1962 hoda naradžeńnia ruchałasia pa ciomnaj darozie bieź flikieraŭ, što i pryviało da trahiedyi, paviedamili ŭ DAI. Na rovary taksama nie było anivodnaha katafota.
Pradstaŭniki dziaržaŭtainśpiekcyi jašče raz zaklikali piešachodaŭ i ravarystaŭ, što vymušanyja jeździć uzimku, nie ihnaravać praviłaŭ biaśpieki i samim pakłapacicca pra svaju zaŭvažnaść na darozie ŭ ciomny čas sutak.
