Akazałasia, što bolšaść žyvioł vykonvaje nieabchodnyja dziejańni z adnoj i toj ža «viadučaj» łapy.
Navukoŭcy z Karaleŭskaha ŭniviersiteta ŭ Biełfaście vyśvietlili, što ŭ katoŭ, jak i ŭ ludziej, jość žyvioliny ź pieravahaj taho ci inšaha paŭšarja mozhu. Inšymi słovami, siarod chvastatych vyjavilisia ŭmoŭnyja «praŭšuny» i «leŭšuny». Pryčym siarod samcoŭ, pa słovach zaołahaŭ, pieravažajuć pradstaŭniki «levałapych», a voś samki čaściej za ŭsio akazvalisia «pravałapymi».
U daśledavańni brali ŭdzieł 44 chatnija kotki. Paddoślednym u ich naturalnym asiarodździ prapanoŭvałasia vykonvać peŭnyja nieskładanyja zadańni, naprykład spuścicca ź leśvicy, pahulać z padviešanym miačykam abo dastać pačastunak z karmuški. Vyśvietliłasia, što 75% kotak vykonvajuć kankretnyja dziejańni z dapamohaj adnoj i toj ža «viadučaj» łapy.
Fizijałahičnych pryčyn takoha padziełu kotak na «leŭšunoŭ» i «praŭšunoŭ» navukoŭcy pakul nie vyjavili.
