Palityk Siarhiej Skrabiec bałatujecca ŭ deputaty Minharsavieta pa Plachanaŭskaj akruzie №10.

Fota Radyjo Svaboda.

Fota Radyjo Svaboda.

Jahony ahitacyjny vystup na radyjo adroźnivaŭsia ad zvarotaŭ kankurentaŭ.

Skrabiec prajšoŭsia pa piersanalijach supiernikaŭ, raskazaŭ aniekdot pra Łukašenku, Pucina i Trampa dy skončyŭ vystup słovami «Žyvie Biełaruś!».

Najlepšyja cytaty z vystupu Skrabca:

* * *

Vy, mabyć, padumajecie: nu voś, jašče adzin paŭžyvy kandydat pačnie łokšynu viešać, a dzie intryha vybaraŭ, dzie kampramat na supiernikaŭ? Akramia mianie ŭ śpisach dla hałasavańnia jašče 5 čałaviek. Pieršym u śpisie staić spadar Žukoŭski — hałoŭny sanitarny doktar Leninskaha rajona. Nu voś skažycie, kali jamu zajmacca vašymi prablemami, kali ŭ jaho svajoj pracy pa horła? Dy jašče treba bajacca, kab za chabar nie daj boh nie pasadzili, jaho ž kaleh kožny dzień pakujuć pačkami.

Dalej idzie Arłova Aksana — dyrektar dziciačaha haradka, člen Kamunistyčnaj partyi Biełarusi. Nu voś chaj by i raskazvała svaim akciabratam pra dziadulu Lenina, dyk nie, treba ŭ deputaty iści! Ja, ščyra kažučy, svajo dzicia kamunistam vychoŭvać nie davieryŭ by.

Nastupny — Pakutnik Alaksiej. Biznesmien, člen ŁDPR. Hety chłopiec dla masavaści, jamu b svoj biznes zachavać. Kolki ŭžo ich, biedniakoŭ, pa turmach siadzić?! I nie źličyć!

Dalej Panasievič Vadzim — namieśnik dyrektara siaredniaj škoły. U škołach, ja tak razumieju, užo poŭny paradak naviali — čas u deputaty padacca. Šancy ŭ jaho nulavyja!

Nu i na zakusku — strachavy brokier Pierapiečka Andrej. Nie viedaju, što heta takoje strachavy brokier? Ale, vidać, heta adziny prystojny čałaviek u našaj kampanii.

* * *

Najpierš treba prybrać z vykanaŭčaj i zakanadaŭčaj ułady piensijanieraŭ, bo jany zaminajuć raźvićciu krainy. Usich čynoŭnikaŭ, jakija dasiahnuli piensijnaha ŭzrostu, — na piensiju, adarvać ich ad karyta. Usich, chto prasiedžvaje štany ŭ kabinietach,adpravić na svoj chleb: u biznes, kałhas, k čortu ŭ bałota. Chaj pasprabujuć samyja zarablać sabie na žyćcio,chaj pasprabujuć pražyć na adnu piensiju, nie kradučy ź dziaržaŭnaj kazny! Kumaŭstvo i karupcyja raźjadajuć našu krainu.

* * *

Raskažu vam aniekdot.

Sabralisia niejak Tramp, Pucin i Łukašenka i abmiarkoŭvajuć, jak žyvuć ich vybarcy.

Tramp kaža:

— Siaredni amierykaniec atrymlivaje 2 tysiačy dalaraŭ na miesiac. 500 idzie na raschody: kamunałka, telefon, televizar, internet. Paŭtary tysiačy im zastajecca, na žyćcio chapaje.

Pucin kaža:

— Rasiejec u siarednim atrymlivaje 1000 dalaraŭ. 500 tracić na kamunałku, telefon, televizar, internet. 500 dalaraŭ jamu zastajecca. Nie vielmi, ale chapaje na žyćcio.

Łukašenka kaža:

— U siarednim biełarus atrymlivaje 300 dalaraŭ. 500 tracić na nakładnyja raschody, jak i ŭ vas. Voś ja pa načoch nie splu i ŭsio dumaju: dzie jon jašče 200 dalaraŭ biare?

* * *

Pałacy ŭ Drazdach za našy hrošy budujuć dla biazdomnych bamžoŭ, narod tak i nazyvaje hetych «drazdunoŭ» — bamžy.

* * *

Au, ludzi na bałocie! Čas pračynacca! Viasna chutka pryjdzie. Razam budziem śviatkavać 100-hodździe Biełaruskaj Narodnaj Respubliki. Žyvie Biełaruś!

Клас
0
Панылы сорам
0
Ха-ха
0
Ого
0
Сумна
0
Абуральна
0