Mužčyna, jaki adpačyvaŭ sa svajoju siamjoj z troch čałaviek u hornałyžnym kompleksie Siličy, ŭziaŭ naprakat čatyry kamplekty łyžaŭ pa čužym pašparcie, paviedamlaje UUS Minskaha abłvykankama.

Pa dapamohu ŭ rozšuku ŭ milicyju źviarnułasia pracaŭnica punktu prakatu, jakaja nie zaŭvažyła, što čałaviek, jaki biare łyžy, mocna adroźnivajecca ad fotazdymka ŭ pakazanym im pašparcie.

Milicyjanty praanalizavali videazapis z kamiery, jakaja visieła naŭprost nad hałavoju pracaŭnicy — i pa videazdymkach nieŭzabavie vyličyli złamyśnika. Im akazaŭsia 43-hadovy žychar Salihorska.

Videa — UUS Minabłvykankama

Skradzienyja łyžnyja kamplekty znajšli ŭ jaho na leciščy. Ź jahonych słovaŭ, pradavać jon ich nie źbiraŭsia, a chacieŭ pakinuć u pryvatnaje karystańnie. Ciapier jamu pahražaje pakarańnie pavodle kryminalnaha artykuła «Machlarstva».

Клас
0
Панылы сорам
0
Ха-ха
0
Ого
0
Сумна
0
Абуральна
0