Žychar Stolinskaha rajona adpraviŭsia rybačyć na aŭtamabili pa lodzie pojmiennaha raźlivu Prypiaci i ledź nie staŭ achviaraj ułasnaj biesturbotnaści, paviedamiŭ BiełTA namieśnik načalnika Bresckaj abłasnoj inśpiekcyi achovy žyviolnaha i raślinnaha śvietu Siarhiej Štyk.

Incydent adbyŭsia 22 studzienia pablizu ahraharadka Alšany. Kala 18.00 23-hadovy miascovy žychar vyjechaŭ na starycu raki na aŭtamabili «Folksvahien Pasat». Lod pad vahoj mašyny tresnuŭ — i jana častkova pahruziłasia ŭ vadu.

Małady čałaviek abyšoŭsia tolki stracham. Adnak u vyniku jaho nieabdumanych dziejańniaŭ adbyłosia zabrudžvańnie pavierchnievych vod plamami alivy. Za parušeńnie režymu ŭtrymańnia vodaachoŭnaj zony raki pryrodaachoŭnaja inśpiekcyja pryciahnuła viaskoŭca da administracyjnaj adkaznaści pa č.2 art.15.51 KoAP Biełarusi.

«Praviłami viadzieńnia rybałoŭnaj haspadarki i rybałoŭstva, a taksama Vodnym kodeksam zabaraniajecca pieramiaščeńnie pa lodzie na aŭtamabilach. Hetaha kateharyčna nielha rabić nie tolki z punktu hledžańnia achovy pryrody, ale i ŭ metach biaśpieki, asabliva kali tempieratura pavietra plusavaja. Nastupstvy pahardy technikaj biaśpieki ŭ takoj situacyi mahli być kudy bolš sumnymi», — adznačyŭ namieśnik načalnika abłasnoj inśpiekcyi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?