Novaje sacyjałahičnaje apytańnie, praviedzienaje Centram analizu i sacyjałahičnych daśledavańniaŭ Mižnarodnaha respublikanskaha instytuta (MRI), vyjaviła, što 39% ukraincaŭ majuć da Biełarusi ciopłyja i vielmi ciopłyja pačućci. Heta nie najhoršy pakazčyk, adnak da Polščy, Litvy, Kanady, Hiermanii i ZŠA ŭkraincy staviacca lepš, čym da našaj krainy.
U apytańni, u jakim pryniali ŭdzieł 2400 hramadzian Ukrainy, siarod mnohich punktaŭ było pytańnie, jakoje aceńvała źniešniepalityčnyja simpatyi ŭkraincaŭ.
Vielmi ciopła da našaj krainy staviacca ŭsiaho 7% ukraincaŭ, ciopła — 32%, niejtralna — 50%, chaładnavata — 8% i vielmi prachałodna — mienš za 1% apytanych.
Takim čynam, imidž našaj krainy siarod ukraincaŭ horšy, čym imidž Polščy (ciopłaje i vielmi ciopłaje staŭleńnie ŭ 50% apytanych), Litvy (47%), Hiermanii (42%) i ZŠA (40%).
Doŭhi čas ŭkraincy bolš za ŭsio simpatyzavali mienavita Biełarusi. Naprykład, jašče ŭ krasaviku 2017 hoda 56% ukraincaŭ stavilisia da Biełarusi ciopła i vielmi ciopła. Adnak za 2017 hod hety pakazčyk źniziŭsia da 39%. Pavialičyłasia i kolkaść tych, chto stavicca da Biełarusi prachałodna i vielmi prachałodna - z 3% da 9%.
