Achviarami drapiežnikaŭ stanoviacca vartavyja sabaki. U pryvatnaści, ślady vaŭkoŭ rehularna bačać žychary viosak Maksimaŭka, Miaža, Laleŭščyna, Haźba.
Praz heta viaskoŭcy bajacca pa viečarach vychodzić na vulicu. Palaŭničyja pastajanna ładziać abłavy na vaŭkoŭ. Tolki ŭ studzieni ŭ Haradockim rajonie było zdabyta 11 žyvioł.
Ale zamanić dzikaha źviera ŭ pastku składana, pakolki za noč jon moža prajści da 30 kiłamietraŭ.
Pa słovach śpiecyjalistaŭ, u vioski drapiežniki naviedvajucca praź niedachop kormu ŭ lesie. Akramia taho, na ich kolkaść u rajonie ŭpłyvaje blizkaść miažy z Rasijaj.
«Dla vaŭka miežaŭ nie isnuje. Kali my jaho zdabyvajem tut, na jaho miesca prychodziać inšyja. Źniščyć ich na 100% praktyčna niemahčyma», — adznačyŭ viadučy palaŭnictvaznaŭca Haradockaj rajonnaj struktury Biełaruskaj arhanizacyi palaŭničych i rybałovaŭ Valeryj Kažanoŭski.
