Na praciahu dvuch hod u dačynieńni da siabroŭ moładzievaj arhanizacyi było raspačata bolš za dva dziasiatki kryminalnych spravaŭ. U vyniku tatalnaha ŭcisku z boku specsłužbaŭ 9 maładafrontaŭcaŭ było asudžana pa sumna viadomamu artykułu Kryminalnaha kodeksu 193 za dziejnaść ad imia niezarehistravanaj arhanizacyi, a Źmicier Daškievič i Artur Fińkievič adbyvali terminy ŭ kalonijach.

Čym ciapier zajmajucca tyja maładafrontaŭcy? Što robiać tyja, chto staŭ čałaviekam hodu-2007 u hodzie 2008?

Barys Harecki zaraz zajmajecca žurnalistykaj i pracuje taksoŭščykam.
Adzin ź niešmatlikich supracoŭnikaŭ radyjo «Racyja», jaki byŭ asudžany za aśviatleńnia mitynhu pradprymalnikaŭ na 10 sutak aryštu. Jak maładafrontaviec, Barys razam ź Viktaram Jančurevičam maje namier być adnym ź kiraŭnikom bloku «Maładaja Biełaruś» na vybarach u miascovyja Saviety.
Źmicier Chviedaruk sioleta pastupiŭ u chryścijanski kaledž,
prademanstavaŭšy vydatnaje viedańnie Biblii i paśpiachova zdaŭšy ispyty. Naprykancy leta, paśla davoli vialikaha pierapynku, viarnuŭsia da aktyŭnaj dziejnaści ŭ miežach arhanizacyi. Jon maje šancy stać namieśnikam staršyni.
Nasta Pałažanka paśla skančeńnia škoły praciahnie adukacyju ŭ EHU
na zavočnym adździaleńni pa specyjalnaści «palitalohija». Praŭda, pieršuju ŭstanovačnuju sesiju z dazvołu rektaratu dziaŭčyna prapuściła, bo termin praviadzieńnia supaŭ z zaviaršalnaj stadyjaj vybarčaj kampanii — z 26 pa 30 vieraśnia.
Źmicier Daškievič sprabuje refarmavać Małady Front,
kab mieć žyćciazdolnuju arhanizacyju napiaredadni prezydenckaj kampanii. Niadaŭna, raspačałasia kampanija dyskredytacyi lideraŭ arhanizacyi, stvarajuć uražańnie raskołu ci razvału MF. Źmicier staŭ pieršaj i asnoŭnaj metaj pravakacyi KDB, adnak, toje nijak nie paŭpłyvała na prahu aktyŭnaj dziejnaści. «Treba strachnuć pył i rušyć dalej», — kaža Źmicier.
Alaksiej Janušeŭski, jak i abiacaŭ, viarnuŭsia z Čechii,
dzie padčas kryminalnaha pieraśledu atrymaŭ palityčny prytułak. Ciapier uznačalvaje adukacyjny adździeł arhanizacyi, zajmajecca ŭeb-dyzajnam, čym i zarablaje na žyćcio. Praz paŭtary hodu skončyć Vilenski pedahahičny ŭniviersitet.
Ivan Šyła paśla vyklučeńnia sa škoły vyjaviŭ žadańnie zastacca ŭ Biełarusi
i praciahnuć navučańnie zavočna. Niehledziačy na bieźlič prapanovaŭ ad eŭrapejskich adukacyjnych ustanovaŭ, nivodnaja ź ich nie praduhledžvała prymalny dla chłapca varyjant. Zaraz Ivan šukaje pracu i čakaje traŭnia nastupnaha hodu, kab dazdać ispyt. Jak maładafrontaviec, kaardynuje dabračynnuju kampaniju «Biełaruskuju knihu — dzieciam».
Jarasłaŭ Hryščenia u vieraśni źjechaŭ u Polšču
na navučańnie pa prahramie Kastusia Kalinoŭskaha. Žyvie ŭ horadzie Hniezna i atrymlivaje specyjalnaść žurnalista, zajmajecca muzykaj.
Nasta Azarka pracuje na lnozavodzie
i praciahvaje aktyŭna zajmacca hramadzkaj dziejnaściu. Upartaść dziaŭčyny vyklikaje zajzdraść, a vieršy — zachapleńnie.
Aleh Korban — redaktar mienskaj hazety «Partyzanskaja»,
siabar AHP i niezaležnaha prafsajuzu, jakim i praśviačaje amal uvieś volny čas. Adyšoŭ ad dziejnaści Maładoha Frontu.

Varta nahadać pra maładafrontaŭcaŭ, jakija byli asudžany pra «spravie 14-ci».

Uładzimier Siarhiejeŭ pracuje na traktarnym zavodzie. Arciom Dubski žyvie ŭ Asipovičach.
Darečy, u dačynieńni da chłapca sprabavali ŭviesnu zavieści jašče adnu kryminalnuju spravu za machlarstva. Tady maładziona aryštavali na troje sutak i bieśpaśpiachova vinavacili ŭ tym, što jon padmanuŭ telefonnaha aperatara na niekalki miljonaŭ rubloŭ.
A Artur Fińkievič zajmajecca stvareńniem novaj moładzievaj arhanizacyi «Moładź za Biełaruś»,
jakaja ŭpieršyniu zajaviła pra svajo isnavańnie padčas akcyi 28 vieraśnia, zapomniŭšysia ŭstalavańniem namiotaŭ i pamarančovaha kolera ściahami i stužkami.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?