Kadr ź filmu «Urok biełaruskaj movy».

Kadr ź filmu «Urok biełaruskaj movy».

Adpaviednaje rašeńnie sudu Kastryčnickaha rajonu Horadni apublikavanaje ŭ hazecie «Źviazda» ad 2 kastryčnika.

Pavodle rašeńnia, u hety śpis trapili film «Urok biełaruskaj movy» Mirasłava Dembińskaha, a taksama zapis kancertu «Salidarnyja ź Biełaruśsiu», jaki prachodziŭ u Varšavie 12 sakavika 2006 hodu.

Hetyja materyjały, a taksama jašče siem dyskaŭ z fotazdymkami padziejaŭ na Płoščy, 11 červienia byli kanfiskavanyja ŭ mahiloŭskaha aktyvista Alesia Burakova, jaki viartaŭsia z Varšavy.

Rašeńnie sudu ŭstupiła ŭ siłu 16 vieraśnia. Sam Burakoŭ kaža, što nie atrymlivaŭ nijakich pozvaŭ u sud, a taksama ničoha nia viedaŭ pra vyniesieny prysud.

Varta adznačyć, što ŭ rok-kancercie ŭ Varšavie brali ŭdzieł najlepšyja biełaruskija rokiery, u tym liku «NRM». A film «Urok biełaruskaj movy» apaviadaje pra dziejnaść Biełaruskaha liceju imia Jakuba Kołasa, začynienaha ŭładami. Film atrymaŭ niekalki pryzoŭ na mižnarodnych kinafestyvalach i byŭ pakazany pa TV u dziasiatku eŭrapiejskich krainaŭ. A dla łukašenkaŭskaha KDB i sudu — ekstremizm... Bo pra niepadkantrlnuju biełaruskaść.

* * *

Nahadajem, što jašče haradzienskim KDB była inicyjavanaja adna sprava z «ekstremizmam». 18 vieraśnia musiŭ pačacca razhlad spravy pa pryznańni ekstremisckaj drukavanaj pradukcyi, što ŭ roznyja hady była kanfiskavanaja haradzienskimi pamiežnikami.

Pa spravie prachodzić dzieviać čałaviek (ciapier moža vyśvietlicca, što ich našmat bolej) — žurnalist Andžej Pisalnik, siabar AHP Ŭładzimier Łaryn, siońniašnija i byłyja studenty prahramy Kalinoŭskaha Jaŭhien Skrabutan, Alaksiej Trubkin, Dźmitry Malčyk, Barys Harecki, pravaabaronca Valery Ščukin, Jury Marcinovič i Dźmitry Jodka.

Siarod mahčymych «ekstremisckich» materyjałaŭ razhladajucca hazeta niepryznanaha Sajuzu palakaŭ «Głos znad Niemna na uchodźstwie», kniha Paŭła Sieviarynca «Listy ź lesu», materyjały pieršaha Kanhresu demakratyčnych sił, ulotka Alaksandar Milinkieviča.

Praces byŭ pieraniesieny na kastryčnik. Nakolki pakul viadoma, to nichto ź fihurantaŭ nie atrymlivaŭ paŭtornyja pozvy źjavicca ŭ sud.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?