Deputaty pałaty pradstaŭnikoŭ na plenarnym pasiadžeńni 2 kastryčnika pahadzilisia ź piarečańniami A. Łukašenki adnosna asobnych pałažeńniaŭ Kodeksa ab ziamli.

Kodeks byŭ pryniaty nižniaj pałataj u druhim čytańni 17 červienia. 28 červienia jaho ŭchvaliŭ saviet respubliki, adnak prezident padpisaŭ dakumient ź piarečańniami.

Jak zaznačyŭ staršynia parłamienckaj kamisii pa ahrarnych pytańniach Michaił Rusy, pałažeńni kodeksa zamacoŭvajuć mahčymaść atrymańnia ziamielnych učastkaŭ u spadčynu na pravie pryvatnaj ułasnaści abo na pravie vałodańnia, jakoje pažyćciova atrymlivajecca ŭ spadčynu, zamiežnymi hramadzianami i asobami biez hramadzianstva pry atrymańni ŭ spadčynu.

«Uličvajučy abmiežavanuju abarotazdolnaść ziamielnych učastkaŭ (jany mohuć znachodzicca ŭ pryvatnaj ułasnaści tolki hramadzian Respubliki Biełaruś), abhruntavana dać mahčymaść ich atrymańnia na pravie pryvatnaj ułasnaści abo na pravie vałodańnia, što pažyćciova atrymlivajecca ŭ spadčynu, zamiežnym hramadzianam i asobam biez hramadzianstva, jakija znachodziacca ŭ svajackich adnosinach sa spadčynadaŭcam ziamielnaha ŭčastka. Nieabchodna vyznačyć vyčarpalnaje koła takich asob», — skazaŭ M. Rusy.

Jon prainfarmavaŭ, što ciapier raspracoŭvajucca adpaviednyja źmianieńni ŭ kodeks.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?