Kašmarnuju noč pieražyli ŭčora nasielniki teraryjuma ŭ zaparku aŭstralijskaha horada Elis-Sprynh. Kamery słužby biaśpieki zafiksavali, jak 7-hadovy chłopčyk prakraŭsia na dośvitku ŭ paviljon, dzie vyciahnuŭ rukoj troch redkich jaščarak, a potym skarmiŭ ich krakadziłu. Ale hetym chłopčyk nie zadavoliŭsia: špurnuŭ jašče da alihatara dziesiać žyvych čarapachaŭ.

Palicyja Elis-Sprynhu spraŭdziła asobu chłopčyka, jaki, jak vyjaviłasia, žyvie la samaha zaaparku. Ale seryjny zabojca reptylijaŭ nia budzie pryciahnuty da suda praź jaho mały viek. Pavodle aŭstralijskaha zakonu, dzieci, jakim nia spoŭniłasia 10 hod, nie niasuć nijakaj kryminalnaj adkaznaści.

Ale hety fakt nie duža suciašaje dyrektara zaaparku Reks Najndorf: «Jak ni vaźmi, heta vielmi niebiaśpiečny chłopčyk. Usie byli prosta ašałomlenyja, što niechta naahuł navažyŭsia zrabić padobnaje. My majem namier padać pozvu na jahonych baćkoŭ. I jak nielha pryciahnuć da adkaznaści niepaŭnahadovaha, dyk chaj adkažuć choć starejšyja». Dyrektar zaaparka dadaje, što sistema syhnalizacyi nie spracavali z pryčyny maleńkaha rostu chłopčyka.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?