Staršynia Partyi BNF Lavon Barščeŭski, kaardynatar «Chartyi‑97» Andrej Sańnikaŭ, a taksama lider niezarehistravanaha «Maładoha frontu» Źmicier Daškievič u piatnicu davali pres‑kanferencyju, dzie padviali vyniki parlamenckaj kampanii. Razam z tym, adrazu było zajaŭlena, što skład udzielnikaŭ pres‑kanferencyi nia śviedčyć pra ŭtvareńnie niejkaj novaj kaalicyi.

Barščeŭski kaža, što vybary paćvierdzili dźvie vidavočnyja rečy: u Biełarusi niama i nia budzie ŭ najbližejšaj perspektyvie parlamentu jak najvyšejšaha zakanadaŭčaha orhanu i toje, što kampanija była ničym inšym, jak fars.

«Vybary zaśviedčyli parazu ADS, jakija nia zdoleli adstajać inšuju palityčnuju pazycyju. Hetuju parazu nam nanieśli nie ŭłady, jakija taksama prajhrali (vybary nie byli pryznanyja misijaj ABSE), my paciarpieli paražeńnie ad svajho hramadztva, jakoje bačyła niepatrebnaść takoha orhanu jak pałata pradstaŭnikoŭ. Bolšaść nasielnictva była hatovaja praihnaravać hetyja vybary, i na vialikaj kolkaści akruhaŭ tak i adbyłosia. Jaŭka była b jašče mienšaja, kali b pradstaŭniki demakratyčnych siłaŭ vykarystali prava źniać svaje kandydatury. Palityčnuju adkaznaść za niasłušna pryniatyja rašeńni niasuć lidery apazycyjnych partyj, jakija paddalisia vonkavamu dy ŭnutrypartyjnamu cisku i nia zdoleli vyjavić naležnaj palityčnaj voli. Na žal, nehatyŭnuju rolu tut vykanaŭ i kiraŭnik Ruchu za Svabodu Alaksandar Milinkievič. ADS vyjhrała ŭ kantakcie z zamiežnymi partnerami, jakija nie pryznali vybary, ale prajhrała ŭ kantakcie z svaimi hramadzianami», — kaža Ł. Barščeŭski.

Lider BNF pierakanany, što sytuacyja, jakaja skłałasia patrabuje peŭnaha pierahladu strukturaŭ ADS. Palityk kaža, što ŭsie svaje vonkavyja i ŭnutranyja namahańni kaalicyja pavinna skancentravać na minimalna nieabchodnych źmienach u vybarčym zakanadaŭstvie. Barščeŭski abmiežavaŭsia ad «kapitulanckich zajavaŭ» kiraŭnika PKB Siarhieja Kalakina, jaki zajaŭlaje, što prezydenckija vybary projduć «pry padobnych umovach».

Andrej Sańnikaŭ ličyć, što bajkot parlamenckich vybaraŭ usio ž adbyŭsia. «Jaŭki nie było na mnohich učastkach, ludzi nie cikavilisia vybarami. Ideja bajkotu žyła ŭ hramadztvie niezaležna ad voli palityčnych lideraŭ. Vybary jašče raz dakazali, što ŭłada nia vyrašycca na źmieny. Razam z tym, na Zachadzie chapaje amaralnych biznes‑kołaŭ, jakija spadziajucca na biełaruskuju pryvatyzacyju. Na siońniašni dzień na važna damahacca navat nie źmieny zakanadaŭstva, a palapšeńnia ŭmovaŭ praviadzieńnia vybaraŭ», — kaža Sańnikaŭ.

Źmicier Daškievič vystupiŭ z rezkaj krytykaj pradstaŭnikoŭ ADS, jakija, idučy na vybary, nie zmahli zakryć tracinu akruhaŭ apazycyjnymi kandydatami. «Łukašenka padparadkoŭvajecca tolki movie ŭltymatumu. I hetym ultymatumam byŭ bajkot», — havoryć Z.Daškievič. Jon taksama stanoŭča acaniŭ akcyju, jakaja prajšła 28 vieraśnia na Kastryčnickaj płoščy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?