Heta 21‑hadovy Alaksandar Koryk, jaki da niadaŭniaha času pracavaŭ u kampanii «Ŭładpradimpart».

Jon uradženiec Biarezinskaha rajonu, peŭny čas vučyŭsia ŭ Mienskim dziaržaŭnym vyšejšym radyjotechničnym kaledžy.

Jak paviedamiŭ BiełaPAN Alaksandar Huzaŭ, siabar zatrymanaha, ź jakim jany razam zdymali kvateru, A. Koryk sam źviarnuŭsia ŭ milicyju i paviedamiŭ pra vypadak, što zdaryŭsia ź im za tydzień‑dva da vybuchu.

Uletku Koryk pracavaŭ merčyndajzieram u kampanii «Uładpradimpart» (zvolniŭsia ŭ siaredzinie vieraśnia), jakaja pastaŭlaje ŭ Biełaruś u tym liku i sok «Sadočak», što fihuruje ŭ spravie pra vybuch.

Adnojčy, viartajučysia dachaty paśla vykładki tavaru ŭ hipermarkiecie «Hippa», na prypynku z prośbaj zakuryć da jaho źviarnulisia nieviadomyja maładyja ludzi, stan jakich jon acaniŭ jak nieadektvany.

Jak byccam u jakaści padziaki za niekalki cyharet jany paraili nieviadomamu źjaždžać z horadu, pakolki buduć uzryvać Miensk.
Pra heta A. Koryk raspavioŭ paśla vybuchu siabru, a potym i ŭ milicyi.

Paśla hetaha, pavodle A. Huzava, siabra pačali vyklikać na dopyty, a 30 vieraśnia zatrymali i źmiaścili ŭ Centar izalacyi parvaparušalnikaŭ na Akreścina.

Zatym na zdymnaj kvatery supracoŭniki Centralnaha RUUS praviali pieraturs, ale ničoha nie znajšli, paviedamiŭ A. Huzaŭ. Pavodle jaho słovaŭ, paniatym było skazana, što takija dziejańni pravodziacca ŭ suviazi z mahčymaj datyčnaściu zatrymanaha da vybuchu 4 lipienia.

2 kastryčnika samoha A. Huzava dapytali ŭ śledčym upraŭleńni HUUS Mienharvykankamu.
Tam jon raspavioŭ, dzie byŭ sam i A. Koryk 2, 3 i 4 lipienia, i pra toje, što siabar nie ciamić u chimii i radyjotechnicy, paviedamlaje BiełaPAN.

* * *

Tym časam Interfaks siońnia paviedamiŭ sa spasyłkaj na kiraŭnika pres‑słužby HUUS Mienska Alaksandra Łastoŭskaha, što sapraŭdy zatrymany hramadzianin Biełarusi pa spravie vybuchu 4 lipienia. Ciapier pravodziacca aperatyŭna‑śledčyja mierapryjemstvy z metaj ustanavić jaho datyčnaść da złačynstva.

Клас
0
Панылы сорам
0
Ха-ха
0
Ого
0
Сумна
0
Абуральна
0