Niamieckija inviestary chočuć adnaŭlać zakinutyja terytoryi vakoł Čarnobylskaj AES i ŭžo ŭstalavali na terytoryi 4-ha enierhabłoka soniečnuju elektrastancyju za 1 młn jeŭra. Akupić prajekt jany raźličvajuć na praciahu 7 hadoŭ. Pra prajekt raspaviadaje «Nastoŝieje vriemia».
Pra budaŭnictva soniečnych elektrastancyj na terytoryi Čarnobylskaj AES va Ukrainie zahavaryli letam 2017 hoda. Pieršaja takaja stancyja mahutnaściu 1 miehavat znachodzicca ŭsiaho za sto mietraŭ ad sarkafaha, jaki byŭ pabudavany nad 4-m enierhabłokam. Budaŭniki zapeŭnivajuć, što jana moža zadavolić patreby pasiołka siaredniaha pamieru.
Pa dadzienych Ukrenierha, paśla avaryi na ČAES deficyt elektraenierhii tolki pa kijeŭskim rehijonie va Ukrainie składaje kala 2 tysiač miehavat. Miž tym, u zonie adčužeńnia ČAES zaraz bolš za 2 tysiačy ha ziamli, jakuju možna vykarystoŭvać, u tym liku dla raźvićcia «zialonaj» enierhietyki, — zapeŭnivajuć va Ukrenierha. Praŭda, kab paŭnavartasna zamianić enierhabłok, treba budzie pabudavać prykładna tysiaču soniečnych stancyj.
U toj ža čas va Ukrainskim instytucie budučyni ličać, što «zialonaja» enierhietyka moža ŭdaryć pa kišeni spažyŭcoŭ.
«Heta zanadta doraha. «Zialony» taryf składaje 15 jeŭracentaŭ za kVt u hadzinu. Uličvajučy ciapierašni kurs — heta 35 hryŭniaŭ (2,5 biełaruskija rubli) u paraŭnańni sa zvyčajnym taryfam u 4 hryŭni z kapiejkami (30 kapiejek biełaruskich)», — zaŭvažaje Andryjan Prokit, ekśpiert prahramy» Enierhietyka».
