Siabry! Prajekt aŭtarskaha džaza BlackWhiteJazz praciahvaje svaje kancerty ŭ farmacie Live Jazz Party! Ciapier heta nie prosta kancerty, a viečaryny dla blizkich pa duchu ludziej — stasunki za kielicham vina ci kubačkam harbaty ŭ impravizavanaj čajnaj, ź lohkimi zakuskami, u siabroŭskaj atmaśfiery biez pafasu, barjeraŭ i ramak.
Zaprašajem vas u hulniavuju prastoru «Kuvałda» (Kujbyšava, 22), dziakujučy čamu ŭ vas źjavicca dadatkovaja mahčymaść da abo paśla kancerta pahulać u nastolnyja hulni (biljard, aerachakiej, virtualnaja realnaść, 300 nastołak). Plus da ŭsiaho vy možacie pryjści ź dzietkami i zusim nie chvalavacca ab tym, što maleńkim niepasiedam stanie sumna: dzieciam da 12 hadoŭ uvachod biaspłatny. I ŭžo dakładna nichto nie admianiaŭ kłubnyja karty, jakija dajuć prava na źnižku ad 10 da 20%. Adnym słovam, šykoŭnaja mahčymaść pazityŭna pravieści viečar!
A pahłyblacca ŭ tajamničy śviet muzyki ŭ hety raz my budziem razam z Paŭłam Arakielanam — samym piaščotnym z brutalnych, samym charyzmatyčnym i apantanym saksafanistam našaj krainy!
Šyrokaj publicy Pavieł viadomy chutčej jak muzyka kultavaha hurta «Krambambula», a taksama jak udzielnik prajekta X-faktar, ale toj, chto choć trochi cikavicca džazam, viedaje, što jon vybitny džazmen suśvietnaha ŭzroŭniu! Heta nie pafasnyja słovy dla pryciahnieńnia ŭvahi, inakš Pavieł nie stajaŭ na adnoj scenie ź jeŭrapiejskimi hłybami i jaho b nie zaprašali na mižnarodnyja fiestyvali.
Žanravaja palitra, u jakoj pracuje Paša, vielmi raznastajnaja — heta i fank (albom «Ballad Of the Lost Musician»), i bluz, i fry-džaz, i muzyka na vieršy biełaruskich paetaŭ.
U hety raz vy pačujecie Paŭła ŭ składzie jaho prajekta Outsiders. Prahrama, jak zaŭsiody, budzie ŭklučać u siabie i absalutna novyja tvory, jakija vykonvajucca ŭpieršyniu. Na scenu razam z Paŭłam vyjduć adny z samych zapatrabavanych u Minsku muzykaŭ.
Źmicier Chamienka — kłavišnik, pijanist, skončyŭ Biełaruskuju akademiju muzyki, jaki pracavaŭ u mnohich kutkach śvietu, u našaj krainie najbolš viadomy jak udzielnik hurtoŭ CityJazzQuartet i «Trubieckoj».
Ludmiła Krukoŭskaja — adna ź viadučych basistak krainy, viadomaja pa pracy ŭ televizijnych prajektach, LipnitskyShowOrchestra, «Dyližans-džaz», Gabriel K, a taksama zasnavalnik i idejny natchnialnik ułasnaha prajekta BlackWhiteJazz.
Andrej Maŭryn — niaźmienny bubnač prezidenckaha arkiestra RB, a taksama davoli viadomaha hurta «Drazdy». Plus da hetaha vykładaje ŭ ISV imia Šyrokaha.
Dla bolš vyraznaha ŭjaŭleńnia pra toje, što vas čakaje na LIVE-JAZZ-PARTY, možna pierajści pa spasyłcy i ŭbačyć, jak heta było na prezientacyi prahramy prajekta LuKrukovskayaProject.
Uvachod na viečarynku pa papiarednichśpisach, nabyć kvitok možna jak zahadzia, tak i na miescy. Usio, što dla hetaha treba, — napisać paviedamleńnie na staroncy BlackWhiteJazz albo asabista Ludmile Krukoŭskaj, albo patelefanavać pa telefonach infalinii: +375297559199 +375292562648.
Pačatak a 19-j.
