27-hadovy kałumbijski futbalist Rochier Kańjas padpisaŭ kantrakt z salihorskim «Šachcioram». Raniej jon hulaŭ za kazachski «Ardabasy», pierad tym — na Kipry, u Polščy, Rasii i Łatvii.
Niekali nie adbyŭsia pierachod Kańjasa va ŭkrainski čempijanat, bo abśledavańnie vyjaviła, što ŭ futbalista niama adnoj nyrki.
Jak paviedamlaje Sports.kz sa spasyłkaj na hazietu Futbol Al Minuto Sports, futbalist budzie zarablać u biełaruskim kłubie 830 tysiač jeŭra na hod. Kantrakt padpisany na paŭtara hoda.
Atrymlivajecca, što zarobak Kańjasa budzie składać 69 tysiač jeŭra na miesiac. Kali infarmacyja praŭdzivaja, heta buduć rekordnyja traty dla biełaruskich kłubaŭ za apošnija hady.
Pavodle infarmacyi by.tribuna.com, u 2013 hodzie zarobak Alaksandra Hleba ŭ BATE dachodziŭ da $130 tysiač za miesiac z ulikam bonusaŭ za vystupleńnie ŭ jeŭrakubkach.
Ciapier maksimalnyja dachody ŭ biełaruskich futbalistaŭ składajuć kala $20 tysiač na miesiac.
