Achviaraj machlaroŭ staŭ 20-hadovy žychar Hrodna. Jon źbiraŭsia nabyć abstalavańnie dla majninhu kryptavalut. Prapanova ŭ internecie jaho zacikaviła vyhadnaj canoj: pryblizna ŭdvaja tańniej, čym u inšych miescach, piša pres-słužba UUS Hrodzienskaha abłvykankama.
«Chłopiec z dapamohaj sistemy bankaŭskich pieravodaŭ adpraviŭ hrošy ŭ Vialikabrytaniju. 865 funtaŭ sterlinhaŭ tam paśpiachova abnaličyli. Tolki tavar pakupniku tak i nie dastavili», — raspaviali ŭ milicyi.
Ciapier pa č.1 art.209 KK (machlarstva) raspačata kryminalnaja sprava. Jak adznačyli ŭ pres-słužbie UUS, pravaachoŭnyja orhany Hrodzienskaj vobłaści pastajanna sutykajucca z faktami machlarstva ŭ internecie. Značnaja ich častka źviazana z nabyćciom tavaraŭ za miažoj i ździajśniajecca, jak praviła, za miežami krainy. Kab vyklučyć padobnyja vypadki, varta nabyvać na pravieranych handlovych placoŭkach i ŭ pradaŭcoŭ z dobraj historyjaj, a taksama praviarać pradaŭca pierad ździełkaj. Asablivuju ŭvahu varta źviartać na tavary, prapanavanyja pa zaviedama nizkaj canie.
