Rasija «pry najaŭnaści žadańnia i peŭnych mahčymaściej» zdolnaja samastojna pabudavać avijanosiec. Pra heta ŭ intervju TASS raskazaŭ hienieralny dyrektar Nieŭskaha prajektna-kanstruktarskaha biuro Siarhiej Ułasaŭ.
«Majo asabistaje mierkavańnie takoje — my možam narmalna, jak toj kazaŭ, nie śpiašajučysia budavać karabli luboha pamieru — dla avijacyi, univiersalny desantny i luby inšy pry najaŭnaści žadańnia i peŭnych mahčymaściej. Viadoma, heta ŭsio niatanna, ale hetyja hrošy nie za paŭhoda traciacca, a vydatkoŭvajucca 10-12 hadoŭ», — miarkuje ekśpiert.
Na siońnia Rasija maje ŭsiaho adzin avijanosiec — pabudavany ŭ 80-ja hady «Admirał Kuźniacoŭ».
Dla paraŭnańnia, ZŠA majuć 22 avijanoscy (jašče 2 budujucca), u Vialikabrytanii i Francyi pa 2 avijanoscy (jašče pa 2 avijanoscy budujecca ŭ kožnaj krainie). Svaje avijanoscy jość navat u Japonii (3 dziejučych i 1 budujecca) i Paŭdniovaj Karei (1 dziejučy i 1 budujecca). Italija, Ispanija, Kitaj i Jehipiet majuć pa 2 avijanoscy.
Stolki ž, kolki ŭ Rasii (h.zn. adzin), avijanoscaŭ ŭ Brazilii i Tajłandzie.
