Jean-Christophe Bott / EPA-EFE
Rasijskija spartsmieny projduć na cyrymonii zakryćcia Alimpijady pad ściaham MAK, bo kamitet vyrašyŭ nie zdymać dyskvalifikacyju z Alimpijskaha kamiteta Rasii da kanca Hulniaŭ. Pra heta paviedamlaje Reuters.
Takoje rašeńnie było pryniata na 132-j siesii MAK. Da hetaha vykankam rekamiendavaŭ nie zdymać dyskvalifikacyju z rasijskaj kamandy z-za parušeńniaŭ antydopinhavych praviłaŭ dvuma spartsmienami. Zabaronienyja preparaty byli vyjaŭlenyja ŭ kryvi kiorlinhista Alaksandra Krušalnickaha i babśleistki Nadziei Siarhiejevaj. «Heta było vielmi niesuciašalna i, akramia inšych mierkavańniaŭ, praduchiliła MAK ad navat abmierkavańnia źniaćcia dyskvalifikacyi [z Rasii] na čas cyrymonii zakryćcia», — kazaŭ prezident MAK Tomas Bach.
Pa słovach Bacha, AKR budzie adnoŭleny ŭ pravach paśla taho, jak budzie paćvierdžana, što nivodny rasijski spartsmien bolš nie parušaŭ antydopinhavych praviłaŭ. Alimpijskija hulni zakryjucca ŭ niadzielu, ale vyniki apošniaj pravierki na dopinh buduć viadomyja praź niekatory čas.
