Delehacyja KNDR pahadziłasia paralelna raźvivać adnosiny z Respublikaj Kareja i ZŠA. Pra heta zajaviŭ siońnia aficyjny pradstaŭnik prezidenta Respubliki Kareja Kim Yj Hiem pa vynikach sustrečy z pradstaŭnikami KNDR, paviedamlaje TASS.
Prezident Respubliki Kareja Mun Čže Jan adznačyŭ, što dyjałoh pamiž ZŠA i KNDR z metaj palapšeńnia dvuchbakovych adnosinaŭ i fundamientalnaha vyrašeńnia prablem Karejskaha paŭvostrava pavinien pačacca jak maha chutčej, prainfarmavaŭ pradstaŭnik lidara krainy. Pavodle jaho słoŭ, u adkaz pradstaŭniki KNDR «pahadzilisia, što adnosiny Karejskaj Narodna-Demakratyčnaj Respubliki i ZŠA pavinny raźvivacca paralelna z uzajemaadnosinami Pchieńjana i Sieuła, i ŭ Poŭnačy jość dastatkovyja namiery dla praviadzieńnia dyjałohu z ZŠA».
Delehacyja čynoŭnikaŭ z KNDR u składzie vaśmi čałaviek prybyła ŭ Respubliku Kareja, kab naviedać cyrymoniju zakryćcia Alimpijskich hulniaŭ u Pchiončchanie. Delehacyju ŭznačaliŭ namieśnik staršyni CK, zahadčyk adździeła adzinaha frontu Pracoŭnaj partyi KNDR Kim Jon Čchol.
