Ministr antymanapolnaha rehulavańnia i handlu Uładzimir Kałtovič u svaim fejsbuku źmiaściŭ fota z mamaj. «Pryjechać u viosku da mamy i zrazumieć, što ty ščaślivy čałaviek», — napisaŭ Kałtovič. Mama čynoŭnika žyvie ŭ horadzie Červieni Minskaj vobłaści. 

Fota facebook.com.

Fota facebook.com.

Kałtovič ci nie adziny biełaruski čynoŭnik, jaki rehularna karystajecca sacyjalnymi sietkami. Pryčym admietnaść u tym, što ministr publikuje nie tolki suchi aficyjoz, ale i asabistyja zdymki i dopisy. Jahonyja pasty, jak praviła, nabirajuć šmat łajkaŭ.

Naprykład, Kałtovič zapomniŭsia tym, što na Novy hod 2017 vykłaŭ fota ŭ vyšyvancy, a pierad hetym zapiliŭ sełfi z pracoŭnaha kabinieta.

Uładzimir Kałtovič naradziŭsia 1 kastryčnika 1966 u Červieni. Skončyŭ BDEU (1992) i Akademiju kiravańnia pry prezidencie (2001). Jon pracavaŭ namieśnikam hienieralnaha dyrektara ŭ bujnych minskich kramach: univiermahu «Biełaruś» i handlovym domie «Na Niamizie». Byŭ namieśnikam kiraŭnika Zavodskaha rajona Minska. Uznačalvaŭ minskuju haradskuju fiederacyju handboła. Da pryznačeńnia ŭ ministerstva (śniežań 2015) Kałtovič pracavaŭ daradcam-pasłańnikam u pasolstvie Biełarusi ŭ Maskvie.

Čytajcie taksama: Historyja žyćcia samaha modnaha ministra, jaki moža prasłavicca, uzakoniŭšy biełaruskamoŭnyja etykietki

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?