Na Zachodniaj Dźvinie ŭ Navapołacku siońnia patanuła 11-hadovaja dziaŭčynka, paviedamlaje BiełTA.

Viadoma, što dźvie dziaŭčynki hulali na levym bierazie Zachodniaj Dźviny. U niejki momant dzieci vyjšli na raku, i adna ź ich syšła pad lod. Druhaja dziaŭčynka dastaŭlena ŭ balnicu. Jana znachodzicca ŭ šokavym stanie — usio zdaryłasia ŭ jaje na vačach, jana sprabavała vyratavać siabroŭku.

Pa dapamohu dzieciam pryjšli rybaki, ale vyciahnuć dzicia nie atrymałasia. «Cieła dziaŭčynki pakul nie znojdziena, uspłyŭ tolki zaplečnik. Na miescy zdareńnia pracujuć śledčyja Navapołackaha haradskoha adździeła SK. Pravaachoŭniki vyśviatlajuć abstaviny zdareńnia.

Na Zachodniaj Dźvinie ciapier vysoki ŭzrovień vady, na miescy trahiedyi mocnaje ciačeńnie, što istotna uskładniaje pošuk.

Клас
Панылы сорам
Ха-ха
Ого
Сумна
Абуральна