Finansavy partał GOBankingRates apublikavaŭ top-50 krain, u jakich vydatki na žyćcio samyja nizkija i kudy varta pierajechać, kab vydatkoŭvać na žyćcio mienš. Biełaruś u rejtynhu zaniała 27-ju pazicyju. Košt vydatkaŭ paraŭnoŭvaŭsia z cenami ŭ Ńju-Jorku.
«Vy adčujecie kazačnuju atmaśfieru siarod čaroŭnaj sielskaj miascovaści, pałacaŭ i krepaściaŭ ŭ Biełarusi. Atrymlivajcie asałodu koštam žyćcia, jaki na 66 adsotkaŭ tańniej, čym u Ńju-Jorku. Charčovyja tavary składajuć usiaho 28 adsotkaŭ ad koštu Ńju-Jorka, a arendnaja płata na 89 adsotkaŭ mienš», — havorycca ŭ kamientary gobankingrates.com.
Z krain-susiedziaŭ u top uvajšli Ukraina (6-je miesca) i Polšča (22-je miesca).
