Ukrainskija ŭłady prystupili da aryštu aktyvaŭ rasijskaha chołdynha «Hazprom» za nievykanańnie pastanovy Stakholmskaha arbitražu i parušeńnie manapolnaha zakanadaŭstva Ukrainy. Pra heta skazana ŭ kamientary ŭkrainskaha kabmina.
Zhodna z rašeńniem suda, departamient dziaržaŭnaj vykanaŭčaj słužby maje namier spahnać z «Hazproma» kala 6,5 miljarda dalaraŭ na karyść dziaržbiudžetu Ukrainy.
«Pa hetaj spravie pačałosia apisańnie i aryšt aktyvaŭ, jakija naležać «Hazpromu» va Ukrainie», — napisana ŭ paviedamleńni.
Pad aryšt patrapiła majomaść kampanij «Hazprom zbyt Ukraina» i «Mižnarodny kansorcyum pa kiravańni i raźvićciu hazatranspartnaj sistemy Ukrainy», kaštoŭnyja papiery AAT «Instytut JUŽNIIHIPRAHAZ» i AT «Haztranzit».
