U lutym ź Biełarusi ŭ Rasiju źbieh 43-hadovy Alaksandr Mudračenka. Jon byŭ prysudžany da 4 hadoŭ kałonii-pasialeńnia za toje, što napadpitku źbiŭ viełasipiedysta, jaki skanaŭ ad traŭmaŭ.

Śledčyja paviedamili, što ciapier na Mudračenku zaviali jašče adnu spravu za ŭcioki z papraŭčaj ustanovy. Jamu pahražaje da 3 hadoŭ sapraŭdnaha pazbaŭleńnia voli.

«Budučy pracaŭładkavanym rabočym na adnym z pradpryjemstvaŭ rajona 8 lutaha, byŭ vyviedzieny ź IKP-16 dla vykanańnia rabot u arhanizacyi, adkul ŭciok.

Padazravany abvieščany ŭ mižnarodny vyšuk. U ciapierašni čas miesca jaho znachodžańnia vyznačana. Jon znachodzicca ŭ Ciumienskaj vobłaści Rasii. Vyrašajecca pytańnie ab pieradačy materyjałaŭ kryminalnaj spravy pravaachoŭnym strukturam Rasii, dla pryciahnieńnia mužčyny da kryminalnaj adkaznaści», — paviedamlaje Śledčy kamitet.

Rasiejski telehram-kanał MASH pisaŭ, što Mudračenka zmoh zdabyć pašpart, paśla čaho źjechaŭ na taksi ŭ Rasiju. Tam palicejskija jaho zatrymali, ale paśla adpuścili, praz rasijskaje hramadzianstva nie stali vydavać Biełarusi.

Sam Mudračenka — ŭradženiec Kryčava, apošnija hady žyŭ u Kahałymie, u Ciumienskaj vobłaści.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?