president.gov.by
Alaksandr Łukašenka raskazaŭ, što ŭ jaho jość vialikaja kolkaść prapanoŭ i pytańniaŭ, jakija varta abmierkavać razam ź JeC.
Ab hetym kiraŭnik biełaruskaj dziaržavy zajaviŭ siońnia ŭ intervju pradstaŭnikam hruzinskaha telebačańnia.
Adkazvajučy na pytańnie ab tym, čamu jon nie pajechaŭ asabista na samit «Uschodniaha partniorstva» ŭ Brusel u kancy minułaha hoda, Alaksandr Łukašenka skazaŭ: «My zvyčajna zahadzia płanujem takija pajezdki, i rychtavaŭsia naš ministr zamiežnych spraŭ. Čamu ja pavinien nie daviarać ministru? Jon i pajechaŭ na hety samit. jon bolš byŭ hatovy da tych prablem, jakija tam abmiarkoŭvalisia. Dumaju, pryjdzie čas, i ja pabudu na hetym samicie».
Kiraŭnik dziaržavy rastłumačyŭ, što heta budzie zaležać ad taho, jakija tam buduć abmiarkoŭvacca prablemy i jaki vynik paśla hetaha.
«U mianie jość šmat prapanoŭ i pytańniaŭ, jakija treba abmiarkoŭvać nam u Jeŭrapiejskim sajuzie. Heta ich prablemy, i našy prablemy, i rasijskija, i navat, moža być, hruzinskija. U mianie jość svajo bačańnie.
Pryjdzie čas — ja pra hetyja bačańni skažu. Jość što skazać», — zajaviŭ biełaruski kiraŭnik krainy.
Łukašenku taksama było zadadzienaje pytańnie, jakija jaho patrabavańni da Jeŭrasajuza.
«Vy viedajecie, u mianie niama da ich absalutna nijakich patrabavańniaŭ.
Ja chaču prosta, kab nas pavažali i ličyli, što jość takaja dziaržava ŭ centry Jeŭropy. Jeŭrasajuz pavinien razumieć kaštoŭnaść Biełarusi na siońniašni dzień. Siońnia jość prablema ŭ Jeŭrasajuza z Ukrainaj. Nie tolki u Rasii, ale i ŭ ES. Jość prablemy na poŭnač ad nas, dzie daroh praktyčna niama. i Biełaruś — hetyja amal tysiača kiłamietraŭ, zastaŭsia biesprablemny kalidor dla ES z adnaho boku, i dla Rasii i Kitaja z druhoha. i dla Hruzii», — skazaŭ Alaksandr Łukašenka.
