24 sakavika ŭ kłubie «Bruhie» adbudziecca biaspłatny kancert Lavona Volskaha z hurtom Volski ŭ honar 100-hodździa BNR. «My nie mahli nie adznačyć hetuju datu ŭ Minsku», — napisaŭ muzyka ŭ svaim Facebook.
Na śviatočny kancert, jaki pačniecca a 16-j hadzinie, mahli patrapić pieršyja 600 čałaviek, jakija zarehistravalisia anłajn na admysłovaj staroncy i atrymali paćviardžeńnie na mejł.
Kvitki razyšlisia za 55 chvilin.
Adrazu paśla kancerta hurt źjazdžaje ŭ Biełastok, dzie vystupić 25 sakavika na śviatkavańni 100-hodździa BNR, jakoje ładziać biełarusy Padlašša. Akramia hetaha 25 sakavika Lavon Volski voźmie ŭdzieł u kancercie kala Opiernaha teatru ŭ Minsku praz telemost. Učora Lavon Volski vydaŭ novuju pieśniu «Hieroi nie pamirajuć», pryśviečanuju 100-hodździu BNR.
