Dniom 23 sakavika vidavočcy paviedamili ab vybuchu ŭ vioscy Stańkava Dziaržynskaha rajona Minskaj vobłaści, paviedamlaje MNS.
«Niejkaja chimija vybuchnuła. Tam, zdajecca, firma arendavała budynak, tam raniej była vajskovaja častka. Firma zajmalisia chimijaj: ci to vytvorčaściu, ci to handlem», — kažuć miascovyja žychary.
U 15:53 ratavalniki atrymali paviedamleńnie ab vybuchu i abrušeńni budynka. Abrynułasia častka budynka byłoj vajennaj čaści. Na miescy zdareńnia ŭ vioscy Stańkava pracujuć 13 adzinak śpiectechniki, kran, kinołahi respublikanskaha atrada śpiecyjalnaha pryznačeńnia MNS.
U vyniku abvalvańnia traŭmavanyja dva čałavieki, jakija dastaŭleny ŭ balnicu, dyjahnazy ŭdakładniajucca. Na miescy viaducca pošukava-vyratavalnyja raboty, pracuje kinałahičnaja słužba Respublikanskaha atrada śpiecyjalnaha pryznačeńnia MNS. Pryčyna zdareńnia vyśviatlajecca.
