Mužčyna ŭ Hrodnie vyjšaŭ pastralać z bałkona sa svajho pnieŭmatyčnaha pistaleta ŭ pryjomanarychtoŭčy punkt, jaki znachodzicca kala jaho doma. Jon ledź nie trapiŭ u žančynu, paviedamlaje UUS Hrodzienskaha abłvykankama.
U momant zdareńnia žančyna pačuła, jak kala jaje niešta pralacieła, paśla čaho prahučaŭ udar. Niešta mietaličnaje ulacieła ŭ ścianu pryjomanarychtoŭčaha punkta, žančyna spałochałasia i pabiehła.
Paśla pastupleńnia paviedamleńnia ab złačynstvie na miesca prybyli supracoŭniki kryminalnaha vyšuku Kastryčnickaha RAUS. Na ścianie pryjomanarychtoŭčaha punkta byli vyjaŭlenyja kruhłyja praboiny, užo ŭ dalejšym stała jasna, što heta dzirki ad strełaŭ. Pravaachoŭniki stali chadzić pa kvaterach i ŭ ich pole zroku trapiŭ mužčyna 1980 hoda naradžeńnia. U jaho byŭ znojdzieny pistalet, jaki nahadvaje pnieŭmatyčny, z prybudavanym da jaho hazavym bałončykam.
Niebiaśpiečnuju cacku ŭ padazravanaha zabrali. Kryminalnaja sprava zaviedzienaja pa častcy pieršaj artykuła 339 kryminalnaha kodeksa Biełarusi — «Chulihanstva».