Dvanaccaty čempijon śvietu pa šachmatach Anatolij Karpaŭ u efiry NSN prakamientavaŭ zaklik Hary Kasparava bajkatavać čempijanat śvietu pa futbole ŭ Rasii.

«Takija spantannyja rašeńnia dosyć charakternyja dla Hary Kimaviča. Jon ciapier žyvie ŭ ZŠA i pracuje z taho boku», — skazaŭ Karpaŭ.

«Žadańnie było vialikaje — adabrać u Rasii prava na praviadzieńnie ČS-2018. Ale maštabnaja akcyja pravaliłasia. Ciapier buduć dziejničać pa drobiazi», — dadaŭ Karpaŭ, kamientujučy zaklik Kasparava.

Raniej u subotu 13-ty čempijon śvietu pa šachmatach Hary Kasparaŭ zaklikaŭ krainy da palityčnaha bajkotu ČS-2018 u Rasii. Raniej z takimi zaklikami vystupili ŭłady Vialikabrytanii, jakija abvinavacili Maskvu ŭ datyčnaści da atručvańnia ŭ Sołśbiery eks-supracoŭnika HRU Siarhieja Skrypala i jaho dački Julii. Da bajkotu dałučyłasia Isłandyja, taksama na cyrymonii adkryćcia ČS-2018 nie budzie prezidenta Polščy Andžeja Dudy. Akramia taho, mahčymaść bajkotu mundyjalu razhladajuć ŭłady Šviecyi i Danii, dadaje lenta.ru.

Čempijanat śvietu pa futbole projdzie ŭ 11 haradach Rasii z 14 červienia pa 15 lipienia 2018 hoda.

Клас
Панылы сорам
Ха-ха
Ого
Сумна
Абуральна