Jakija śpiecyjalisty buduć karystacca popytam u budučyni? Ci zastanucca na piku papularnaści dakładnyja navuki? Takija pytańni zadajuć sabie mnohija školniki i studenty. Hetaj prablemie była pryśviečanaja razmova śpiecyjalistaŭ u litoŭskim vydańni Žinių radijas, piša DELFI.lt.
Popytam buduć karystacca inžyniery, analityki, technołahi, śpiecyjalisty ŭ śfiery IT.
Adnak školniki ŭsio jašče zanadta vuzka razumiejuć što takoje inžynier: «Mnohija dumaju, što inžynier pavinien vykonvać peŭnuju pracu, naprykład, stvaryć pradukt, jaki bolš efiektyŭna budzie zamiešvać ciesta ŭ piakarni». «Važna stavicca da inžynieryi nie tolki jak da śpiecyjalnaści, ale i jak da naboru kampietentnych viedaŭ», — ličać surazmoŭcy vydańnia.
Ciapier mała być dobrym inžynieram, treba krychu raźbiracca ŭ finansach, sacyjalnych navukach, kab usio abjadnoŭvać, stvarajučy pradukt.
U hetym i sutnaść: abjadnańnie roznych śfier kampietentnaści, kab kancentravacca na dziejnaści, jakaja stvaraje samy vysoki VUP», adznačajuć ekanamisty.
Pracadaŭcy chočuć, kab inžyniery vałodali zamiežnymi movami, byli sacyjalna adčuvalnymi, raźbiralisia b u psichałohii. Tamu mała być śpiecyjalistam u adnoj niejkaj vuzkaj śfiery.
«Vuzkaja śpiecyjalizacyja, vierahodna, budzie pieradadziena robatam, a abjadnańnie śpiecyjalizacyj stanie chlebam ludziej», — ličać surazmoŭcy vydańnia,
Asnoŭnaj zdolnaściu, jakaja budzie vysoka canicca, stanie zdolnaść da navučańnia.
Navučańnie na praciahu ŭsiaho žyćcia — heta pastajanny praces, važny dla kožnaha z nas, ličać litoŭskija śpiecyjalisty.
