1 krasavika na płošču Lenina ŭ Breście znoŭ vyjšli praciŭniki budaŭnictva akumulatarnaha zavoda, paviedamlaje TUT.BY

Fota: Stanisłaŭ Karšunhoŭ

Fota: Stanisłaŭ Karšunhoŭ

Pravaabaronca Raman Kiślak naličyŭ na płoščy kala 80 čałaviek. Jak i raniej, udzielniki schodu abmierkavali pytańni budaŭnictva pradpryjemstva i razyšlisia.

Hetaja niesankcyjanavanaja sustreča, pa słovach jaje ŭdzielnikaŭ, prachodziła pad pilnaj uvahaj pravaachoŭnikaŭ. U dvary la płoščy stajali aŭtazak, a taksama «ŭazik» i «haziel» biez apaznavalnych znakaŭ i probliskavych majačkoŭ.

Fota: Stanisłaŭ Karšunhoŭ

Fota: Stanisłaŭ Karšunhoŭ

Žychar Bresta Kanstancin u hutarcy z TUT.BY adznačyŭ, što za niekalki chvilin da pačatku sustrečy na płoščy Lenina da jaho padyšli dvoje mužčyn «u cyvilnym». Nie nazvalisia, zadavali pytańni i papiaredzili, što adbyvajecca niesankcyjanavany mitynh.

Pa słovach Kanstancina, jon nie ŭ pieršy raz prychodzić na sustreču praciŭnikaŭ budaŭnictva akumulatarnaha zavoda.

— Ja liču, što chocia b u adnu niadzielu ŭłady pavinny byli vyjści i pahavaryć z narodam. Nas nie čujuć. Nam niama da kaho źviarnucca, — reziumavaŭ Kanstancin.

Ludzi, jakija sabralisia praviali na płoščy Lenina kala hadziny, a zatym razyšlisia. Pavodle papiarednich dadzienych, abyšłosia biez zatrymańniaŭ.

Žychary Bresta i rajona daviedalisia pra budaŭnictva zavoda z presy i aburylisia, čamu čynoŭniki Bresckaha rajvykankama nie pacikavilisia ich mierkavańniem pa hetym pytańni. Jak akazałasia, pracedura hramadskich abmierkavańniaŭ pravodziłasia jašče ŭ śniežni 2016 hoda. Adnak tady «zaŭvah i prapanoŭ» ad hramadskaści nie pastupiła.

Jak adznačajuć praciŭniki budaŭnictva, jany ab hetaj pracedury navat nie viedali. Hałoŭnaje, što ich turbuje, — acenka ŭździejańnia na navakolnaje asiarodździe.

Z 25 lutaha praciŭniki budaŭnictva zavoda kožnuju niadzielu vychodziać na płošču Lenina karmić hałuboŭ u znak pratestu.

Na dniach jany razdavali ŭ centry Bresta čornyja šaryki z nadpisam «Žyć».

Na dniach jany razdavali ŭ centry Bresta čornyja šaryki z nadpisam «Žyć».

27 sakavika sud Maskoŭskaha rajona Bresta admoviŭ u zadavalnieńni pazovu ab prypynieńni budaŭnictva akumulatarnaha zavoda. U sud z pazovam źviartałasia hrupa hramadzian i hramadskaje abjadnańnie «Ekadom».

Sud Maskoŭskaha rajona admoviŭ u zadavalnieńni pazovu, bo «zakanadaŭstva nie praduhledžvaje mahčymaści praviadzieńnia paŭtornych hramadskich abmierkavańniaŭ pry najaŭnaści składzienaha va ŭstanoŭlenym paradku zaklučeńnia dziaržaŭnaj ekałahičnaj ekśpiertyzy».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?