DNS — heta katałoh internetu. Kožnaha razu, kali vy adkryvajecie sajt, naciskajecie na spasyłku abo adkryvajecie mabilny dadatak, adna ź pieršych rečaŭ, jakaja adbyvajecca, — vaša pryłada šukaje adras damienu. Luboje damiennaje imia (naprykład, pryklad.by) vykarystoŭvajecca dla zručnaści zvyčajnych karystalnikaŭ i maje svoj adras (naprykład, 123.123.123.123), jaki zachoŭvajecca na DNS-sierviery. Mienavita na hetym sierviery vaš braŭzier pačynaje šukać adras sajta, damiennaje imia jakoha vy ŭviali.
U kožnaha damiena jość DNS-pravajdar. Adnym z takich i źjaŭlajecca Cloudflare. Na sajcie kampanii pakazany paraŭnalny hrafik, dzie adlustravanyja pakazčyki testu Cloudflare, Google i OpenDNS/Umbrella. Pieršy vyjhraje z dobrym adryvam. Čas vodhuku 1.1.1.1 składaje 14 ms, što robić jaho samym chutkim DNS-siervieram: pakazčyki OpenDNS i Google DNS roŭnyja 20 ms i 34 ms adpaviedna.
Adznačajecca, što ŭ niekatorych vypadkach mohuć naziracca pieraboi ŭ pracy DNS Cloudflare, adnak śpiecyjalisty pracujuć nad aptymizacyjaj.
