Malunak: cryptos.by
U Centralnaje RUUS Minska źviarnuŭsia mužčyna, jaki straciŭ $7,5 tysiačy, pieradaŭšy ich znajomamu dla papaŭnieńnia kryptavalutnaha kašalka. Pa damoŭlenaści bitkojny mielisia być zaličanyja na praciahu 2-4 chvilin, ale hetaha nie adbyłosia, bo «minčanin vyrašyŭ bolš vyhadna skarystacca hrašovymi srodkami dla atrymańnia prybytku, ale vyklučna dla siabie».
Voś niekalki paradaŭ uładalnikam kryptavaluty i tym, chto źbirajecca kuplać jaje:
- Nie haniciesia za lohkaj zdabyčaj, zachoŭvajcie spakoj i ćviaroza aceńvajcie situacyju. Nie varta adrazu prymać pryvabnuju prapanovu, jakaja nibyta maje prynieści prybytak. Čaściej za ŭsio za abiacańniami surjoznaha prybytku bieź jakich-niebudź ryzyk stajać złamyśniki.
- Kuplajcie/pradavajcie kryptavalutu tolki na viadomych biržach i abmiennych punktach, a nie praz forumy, damaŭlajučysia z kimści naŭprost i h.d.
- Zaŭsiody pierachodźcie tolki pa pravieranych spasyłkach, abaviazkova hladzicie, ci pravilna prapisana damiennaje imia sajta. Pry najmienšym sumnievie ŭ krynicy pasprabujcie źviazacca z padtrymkaj hetaha resursu.
- Čytajcie vodhuki inšych karystalnikaŭ sieciva ab hetaj kampanii, sajcie abo pryvatnaj asobie.
- Nie spampoŭvajcie prahramy ź niepravieranych sajtaŭ: jany mohuć utrymlivać virusnyja kampanienty, jakija dazvalajuć uzłamać kašalki z kryptavalutaj.
- Ustalujcie na kampjutar antyvirusnaje prahramnaje zabieśpiačeńnie.
- Zachoŭvajcie kašalok na kampjutary biez dostupu da internetu.
