Ministerstva handlu ZŠA na 7 hadoŭ zabaraniła amierykanskim kampanijam pradavać prahramnaje zabieśpiačeńnie ZTE za toje, što kitajskaja kampanija pastaŭlała amierykanskuju pradukcyju ŭ Iran u abychod sankcyj. Heta moža značyć, što ZTE pazbavicca licenzii na AS Android dla svaich mabilnych pryładaŭ.

«ZTE i padraździaleńnie Alphabet Inc abmiarkoŭvajuć upłyŭ zabarony, ale abiedźvie kampanii ŭsio jašče nie zusim zrazumieli, jak buduć supracoŭničać u budučyni», — paviedamlaje krynica, znajomaja ź pieramoŭnym pracesam dźviuch kampanij.

Adnak adznačajecca, što Android — heta prahramny pradukt z adkrytym zychodnym kodam, tamu nichto nie moža zabaranić ZTE vykarystoŭvać jaho. Kampanija moža ŭziać uvieś zychodny kod i pabudavać svaju ŭłasnuju AS, jak heta zrabiŭ Amazon z Fire OS. Chutčej za ŭsio, zabarona zakranie pakiety firmovych dadatkaŭ i servisaŭ Android z začynienym zychodnym kodam, uklučajučy kramu dadatkaŭ Google Play. Ale ŭ takim vypadku smartfony stanuć niepatrebnymi pakupnikam. 

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?