U ZŠA adzin čałaviek zahinuŭ i jašče siamiora atrymali traŭmy, paśla taho jak adzin z ruchavikoŭ pasažyrskaha samalota zahareŭsia i vybuchnuŭ u pavietry.

Incydent adbyŭsia ŭ aŭtorak ranicaj. Rejs 1380 kampanii Southwest Airlines Ńju-Jork — Dałas byŭ vymušany ździejśnić ekstrannuju pasadku ŭ Fiładelfii, bo ŭ vyniku incydentu akazalisia paškodžany kryło, fiuzielaž i akno samalota.

Na zroblenym dyśpietčarami zapisie razmovaŭ u kabinie čuvać, jak adna ź piłotaŭ kaža: «U nas tut dzirka, i niechta [u jaje] vylecieŭ».

Pa słovach vidavočcaŭ, paśla vybuchu adnu z žančyn častkova zaciahnuła ŭ raźbitaje akno, adnak inšym pasažyram udałosia zaciahnuć jaje nazad. Paźniej jana pamierła ŭ balnicy.

Avaryjnaja pasadka ŭ Fiładelfii była praviedziena paśpiachova. 

Zahinułuju zavuć Dženifier Ryjardan, jana była vice-prezidentam filijała bankaŭskaj kampanii Wells Fargo ŭ horadzie Albukierkie. U zahinułaj, pa dadzienych haziety, zastalisia dvoje dziaciej.

Heta pieršy incydent hibieli pasažyra na borcie amierykanskaha pasažyrskaha samalota z 2009 hoda.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?