16 krasavika ŭ Oršy na Kabylackaj hary, u miescy masavych rasstrełaŭ stalinskaha času, adbyłasia supolnaja malitva. Jaje zładzili probašč kaścioła Śviatoha Iosifa z Oršy ajciec Vadzim Mizier i staršynia habrejskaj supolnaści «Simcha» Andrej Darafiejeŭ. 

Pierad malitvaj aktyvisty i svajaki represavanych uparadkavali miemaryjał.

U 1982 hodzie padčas budaŭnictva čyhunki na Kabylackaj hary byli znojdzieny pareštki 50 čałaviek. Aficyjnaja kamisija ahledzieła znojdzienyja kostki i čarapy z kulavymi adtulinami i vyśvietliła, što ludzi byli zabityja na Kabylakach u 1937-1940 hadach. Śviedki padćvierdzili, što ludziej u Kabylackim lesie zabivaŭ NKVD.

U 1990-m na Kabylackaj hary byŭ ustalavany miemaryjał, adna z aršanskich škoł uziała nad im šefstva. Adnak paźniej aficyjnaja staŭleńnie da represij u krainie zamianiłasia i miemaryjał zakinuli. Bolš za 20 hod jaho dahladajuć hramadskija aktyvisty.

Inicyjatyva «Kabylaki. Rasstrialanyja ŭ Oršy», jakaja abjadnoŭvaje aktyvistaŭ i svajakoŭ represavanych, raźmiaściła tut bolš za dziesiać šyldaŭ i niekalki kryžoŭ ź imionami rasstralanych u Oršy padčas kamunistyčnaha teroru 1920-40 hadoŭ. 

Adzin sa svajakoŭ pastaviŭ pomnik u pamiać pra źniščanych adnaviaskoŭcaŭ ź vieski Chaminičy Horackaha rajona. 

Pavodle daśledvańniaŭ historyka Źmitra Drazda, u Oršy NKVD rasstrialaŭ pa mienšaj miery 1900 čałaviek. I heta tolki tyja, čyje imiony ŭdałosia adšukać u adkrytych bazach źviestak.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?