Jaho zvarot da bresckich uładaŭ tyčyŭsia zakona «Ab abaronie pravoŭ spažyŭcoŭ».

U adkazie havorycca, što «niekatoryja vytvorcy pradukcyi z pryčyny abmiežavanaha pamieru płoščy markiroŭki i spažyvieckaj upakoŭki, nie mohuć nanieści na svaju pradukcyju infarmacyju adnačasova na biełaruskaj i ruskaj movach».

I dalej zaznačajecca, što ŭ 2017 hodzie Dziaržstandart uzdymaŭ pytańnie mahčymaści markiroŭki pradukcyi tolki na biełaruskaj movie. Tady Biełaruś prapanavała ŭnieści dapaŭnieńnie ŭ punkt 6 dadatku №9 Damovy ab Jeŭrazijskim ekanamičnym sajuzie ad 29 maja 2014 hoda. Jano miełasia hučać tak:

«Pry vyrabie i zvarocie pradukcyi tolki na terytoryi adnoj dziaržavy-člena dapuskajecca nanosić markiroŭku pradukcyi tolki na dziaržaŭnaj movie (adnoj ź dziaržaŭnych moŭ) dadzienaj dziaržavy-člena». 

U vyniku prapanovu razhledzieli, ale nie padtrymali.

Takim čynam, zastałasia dziejničać raniejšaja farmuloŭka, u jakoj ruskaj movie adviedzieny asablivy status:

«Pry zvarocie pradukcyi na terytoryi Sajuza markiroŭka pradukcyi pavinna być naniesiena na ruskaj movie i pry najaŭnaści adpaviednych patrabavańniaŭ u zakanadaŭstvie dziaržaŭ-členaŭ na dziaržaŭnaj (dziaržaŭnych) movie (movach) dziaržavy-člena, na terytoryi jakoha realizujecca pradukcyja».

U Jeŭrazijski ekanamičny sajuz uvachodziać Biełaruś, Rasija, Kazachstan, Kyrhyzstan i Armienija.

U Armienii isnuje tolki adna dziaržaŭnaja mova — armianskaja. U Kazachstanie i Kyrhyzstanie nacyjanalnyja movy majuć status «dziaržaŭnych», ale dadatkova prapisany status ruskaj movy jak «aficyjnych». I tolki ŭ Biełarusi dvuchmoŭje.

Čytajcie taksama: STB 1100-2016: ułady zabili jašče adzin ćvik u trunu biełaruščyny

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?