Jon adpraviŭsia ŭ Astraviec u kamandziroŭku i, pakul išoŭ dadomu, zhubiŭ klučy. Ich adrazu znajšła kampanija chłopcaŭ, vyličyła mašynu i pakinuła zapisku: «Vierniem klučy za plašku harełki».

Zapisku Dźmitryj ubačyć navat nie paśpieŭ, jamu nieŭzabavie patelefanavali z DAI.

— Vaša mašyna Audi C3?

— Tak, maja.

— Dzie zaraz znachodzicca?

— U mianie pad padjezdam.

— Tolki što jana pierakuliłasia kala kalcavoj raźviazki.

Dźmitryj chutka sabraŭsia i dabraŭsia da miesca zdareńnia. Svaju mašynu jon znajšoŭ u takim vyhladzie:

Znajšoŭšy klučy, kampanija siadzieła doma i vypivała. Da troch hadzin dnia adnamu ź ich stała sumna, jon skarystaŭsia čužym aŭtamabilem i niekudy pajechaŭ. A na kalcy nie spraviŭsia z kiravańniem, aŭtamabil niekalki razoŭ pierakuliŭsia. Pry hetym z sałona vypała plaška harełki i piva, jakija zhonščyk prychapiŭ z saboj.

Mužčyna amal nie paciarpieŭ. Jaho advieźli ŭ balnicu, ale jon źbieh adtul. U Astraŭcy byŭ abvieščany płan «pierachop» i milicyja zmahła jaho znajści. Zaraz jon aryštavany na 72 hadziny.

Uhonščykam byŭ mužčyna z Rasii, jon pryjechaŭ na pracu ŭ Astraviec.

Клас
0
Панылы сорам
0
Ха-ха
0
Ого
0
Сумна
0
Абуральна
0