Incydent adbyŭsia ranicaj 9 maja. Šaścikłaśnica ź miascovaj škoły №9 stajała ŭ kałonie ź inšymi školnikami, kab vyjści na śviatočnaje šeście. Da dziaŭčynki padyšła žančyna, źniała hieorhijeŭskuju stužku z kvietkaj, jakaja była na hrudziach u školnicy, i adpraviłasia dalej inśpiektavać kałonu, piša kurjer.info.
Taja samaja stužka. Fota baćka školnicy pieradaŭ žurnalistam kurjer.info
Baćki dziaŭčyny spytalisia, što adbyvajecca. Žančyna patłumačyła, što jana ideołah, a ŭ Biełarusi svaja ideałohija.
Razmovu z žančynaj baćka zapisaŭ na videa, jakoje paabiacaŭ adpravić «na sajt prezidenta».
U pijaniera, u jakoha biełaruski pijanierski halštuk, pavinna być biełaruskaja simvolika Pieramohi, skazała ideołah baćku školnicy.
Toj aburyŭsia: «Simvolika Pieramohi supolnaja dla ŭsich! Niama biełaruskaj simvoliki Pieramohi».
«Ja nie budu z vami łajacca. Adkryvajcie dakumienty i čytajcie», — adkazała žančyna.
Paźniej stała viadoma, što žančyna — mietadystka miascovaha adździeła adukacyi.
«Pakarańnia dla mietadystki nie budzie. U dziaciej na mierapryjemstvie musiła być peŭnaja forma. Mietadystka ŭsio pravilna zrabiła», — paviedamiła «Našaj Nivie» Alena Bandarenka, namieśnica načalnika adździeła adukacyi Słuckaha rajvykankama.
Praŭda, pahavaryć z samoj mietadystkaj nie atrymałasia — pa słovach načalnicy, žančyna ŭ kamandziroŭcy.
