Lidar partyi «Napierad, Italija», były premjer-ministr Italii Silvia Bierłuskoni znoŭ moža bałatavacca na vybarach: nadhladny sud Miłana admianiŭ raniejšaje sudovaje rašeńnie, jakoje zabaraniała jamu ŭdzielničać u vybarach da 2019 hoda, piša hazieta Corriere della Sera.

Rašeńnie suda ŭžo ŭstupiła ŭ zakonnuju siłu, piša hazieta, choć jaho moža asprečyć prakuratura Miłana.

U 2013 hodzie Viarchoŭny kasacyjny sud Italii paćvierdziŭ prysud Bierłuskoni pa spravie kampanii Mediaset. Eks-premjer byŭ pryhavorany da čatyroch hadoŭ pazbaŭleńnia voli za finansavyja machinacyi, pry hetym palityk na šeść hadoŭ, da 2019 hoda, pazbaŭlaŭsia prava zajmać publičnyja pasady i ŭdzielničać u vybarach.

Termin źniavoleńnia spačatku byŭ skaročany da adnaho hoda pa zakonie ab pamiłavańni, a paźniej jaho zamianili na hramadskija pracy ŭ domie dla sastarełych z abmiežavanymi mahčymaściami.

Клас
0
Панылы сорам
0
Ха-ха
0
Ого
0
Сумна
0
Абуральна
0