Łukašenka pavinšavaŭ biełarusaŭ z Dniom Dziaržaŭnaha hierba i Dziaržaŭnaha ściaha Respubliki Biełaruś. Nahadajem, što 23 hady paśla refierendumu bieł-čyrvona-bieły ściah i hierb «Pahonia» byli źmienienyja na siońniašnija.
«Siońnia my padkreślivajem značnaść hetych nieadjemnych simvałaŭ suvierennaj Biełarusi, napoŭnienych dobleściu i hieraizmam. Uśviedamlajem ich hłybokuju histaryčnuju rolu ŭ zachavańni hramadskaj zhody na biełaruskaj ziamli», — havorycca ŭ vinšavańni.
Hramadzianam, jakija viedajuć i pavažajuć nacyjanalnyja kaštoŭnaści, pad siłu zrabić Ajčynu praćvitajučaj. Pryjemna, što ciapierašniaje pakaleńnie biełarusaŭ svajoj plonnaj pracaj razam stvaraje naviejšuju historyju našaj krainy, z honaram pradaŭžajučy słaŭnyja tradycyi minułaha.
«Hierb, ściah i himn — heta nie prosta simvolika, a vizitnaja kartka miralubivaj palityki Respubliki Biełaruś, čyj aŭtarytet biassprečna pryznany na mižnarodnaj arenie».
