Jehipiecki sud pryznaŭ nievinavatym čatyrochhadovaha vučnia pačatkovaj škoły, abvinavačanaha ŭ seksualnych damahańniach. Chłopčyk pacałavaŭ svaju adnakłaśnicu, jakoj taksama čatyry hady, a aburany baćka dziaŭčynki źviarnuŭsia ŭ sud.
Incydent adbyŭsia ŭ pravincyi Buchiejra na poŭnačy krainy.
Advakat abvinavačanaha Machamied Chamad raspavioŭ, što baćka adnakłaśnicy nie abmiežavaŭsia razmovaj z baćkami chłopčyka, a padaŭ na jaho aficyjnuju skarhu, paśla čaho prakuratura pieradała hetuju spravu ŭ śpiecyjalny sud pa drobnych złačynstvach.
Sud admoviŭsia razhladać spravu, spasłaŭšysia na toje, što abvinavačańnie nie ŭvachodzić u jaho jurysdykcyju.
Adnak, raspaviadaje advakat, na hetym incydent nie byŭ vyčarpany: sprava była pieradadziena ŭ sud vyšejšaj instancyi ŭ horadzie Chouš-Isa. Užo tam chłopčyka pryznali nievinavatym, ukazaŭšy na nieabhruntavanaść abvinavačvańniaŭ.
Sprava ciahnułasia sa śniežnia minułaha hoda, kali ŭ miascovy palicejski ŭčastak źjaviŭsia mužčyna i zajaviŭ, što jaho dački damahajecca čatyrochhadovy chłopčyk.
Pry hetym miascovaja presa adznačaje, što ŭ zajaŭnika jość surjoznyja roznahałośsi pa cełym šerahu pytańniaŭ z babulaj abvinavačanaha vučnia, jakaja pracuje ŭ školnaj radzie.
