Ahulny konkurs u Licej BDU skłaŭ 6,6 čałavieka na miesca, što na 0,3 adzinki vyšej za minułahodni pakazčyk, paviedamili ŭ pres-słužbie ŭniviersiteta.
«U Licei BDU pačałasia ŭstupnaja kampanija. Usiaho padadziena bolš za 1,5 tys. zajaŭ. Najbolšaja kolkaść — u bijałahičnyja kłasy, amal 360. Konkurs tut składaje 9,3 čałavieka na miesca», - prainfarmavali ŭ pres-słužbie VNU.
Na pastupleńnie ŭ matematyčny kłas zarehistravalisia 297 abituryjentaŭ (konkurs — 7,5 čałavieka na miesca), u fizičny — 250 (konkurs — 6,2), infarmacyjna-matematyčny — 161, historyka-hramadaznaŭčy - 137, fiłałahičny (anhlijskaja) — 140, chimičny — 130, fiłałahičny (ruskaja) — 84.
Z ahulnaj kolkaści tych, chto pastupaje, 31 čałaviek budzie zaličany ŭ licej biez ekzamienaŭ. Imi stanuć pieramožcy zaklučnaha etapu respublikanskaj alimpijady (dypłomy I, II abo III stupieni) pa fizicy, matematycy, infarmatycy, chimii, bijałohii, historyi, hramadaznaŭstvie, ruskaj movie i litaratury, biełaruskaj movie i litaratury, anhlijskaj movie.
Zaličeńnie ŭ 10 kłasy liceja budzie ažyćciaŭlacca pa vynikach dvuch piśmovych ustupnych ispytaŭ, jakija projduć 13 i 20 maja. Reziervovy dzień zapłanavany na 26 maja.
Navučańnie ŭ Licei BDU viadziecca pa siami napramkach. Usiaho ŭ 2018/19 navučalnym hodzie płanujecca adkryć dvanaccać kłasaŭ: pa dva matematyčnyja, fizičnyja, bijałahičnyja, fiłałahičnyja, historyka-hramadaznaŭčyja i pa adnym chimičnym i infarmatyka-matiematyčnym.
